متابعة : نوريهان الجمصى 

شعرك هو تاج جمالك اللى مينفعش تهملى فيه خالص و مش لنك تحافظى عليه من التساقط و انه يكون نظيف و خلاص لا كمان لازم يكون شكله صحى و بيلمع علاطول و عشان تهتمى بلمعان شعرك جايبنلك نصايح ووصفات طبيعية هتساعدك للحفاظ على التاج ده اللى بيخليكى اميرة . اقرأى فى السطور الجاية ازاى تحافظى على لمعان شعرك .

ايه النصائح اللى هتساعدنى احافظ على لمعان شعرى ؟

– اغسلي شعرك بالشامبو عند الضرورة بس بشامبو فيه مكونات بتساعد على رطوبة الشعر ومناسب لنوعية شعرك . حاولى تحافظي على افرازات شعرك الطبيعية وتجنبى لتعريضه لاى حاجة بتسببله جفاف زى استخدام السشوار بزيادة و تعريضة للشمس الكثير او غسيله كل يوم .
– اغسلى شعرك كويس من مرتين لتلاتة فى الاسبوع بماء بارد بس لتحسين لمعانه .

– استخدمى كريم او بلسم مخصوص لفك التشابك وملطف او سيروم واقى من الحرارة وقت تجفيف الشعر أو تسريحه بأدوات تصفيف الشعر الكهربائية و ركزى وضع البلسم ناحية جذور الشعر لحفظ لمعانه وتحسينه .

– حاولى متستخدميش الصبغات كثير عشان بتقضى على حيوية و لمعان الشعر بسهولة .

– جربي غسل شعرك بمزيج طبيعي زى مزيج الماء وخل التفاح لازالة تراكم بقايا مستحضرات التصفيف والشامبو والملطف عن شعرك .
– بعد غسله بالشامبو استخدمى القليل من الخل أو عصير الليمون على آخر كمية من المياه بتغسلى شعرك بيها.

– خصلة الشعر الباهتة هتصبح لماعة لو فركتيها كثير بقماش حريري و ده حل مؤقت لو عايزة تنزلى و مستعجلة .

ايه هى الوصفات الطبيعية ؟
1 – ماسك زيت النعناع :

– المكونات: 5 قطرات من زيت النعناع، ونص ملعقة من زيت الخروع، وملعقة كبيرة من زيت الزيتون .
– طريقة الاستخدام:
اخلطي كل الزيوت مع بعض، وبخي شعرك برذاذ المياه الدافئة، و دلّكيه كويس بالخلطة، و لفيه بكيس بلاستيك لمدة ساعة، واغسليه و كررى مرتين في الأسبوع.

2 – ماسك المايونيز :

4 ملاعق خل
2 ملعقه مايونيز
2 بيضه مع الصفار والبياض
2ملعقة لبن

يخلط المزيج كويس عشان يصبح لونه واحد و مش مختلط الالوان ونحطه على الشعر مده 15 دقيقه ومش اكثر لانه اذا زادت المده انقلب مفعوله وهو يستخدم مرتين بالاسبوع.

3 – خل التفاح :

– هنزود ملعقة من خل التفاح مع 2 كوب ماء دافيء، وهنصب الخليط على شعرك و سيبيه على فروة الرأس لمدة دقيقتين، و اغسلي شعرك بالماء الدافئ. زودى كمية من البلسم أو المرطب على الشعر، وسيبيها لمدة دقيقتين أو ثلاثة، و اغسلي شعرك بالماء تانى. خل التفاح بيعمل على التخلص من القشرة وإعادة اللمعان للشعر العادي والمصبوغ.